Astanada alaıaq ósimmen qaıtaramyn dep 700 myń teńgeni ıemdenip ketken
ASTANA. QazAqparat - Astana polıtsııasy turǵyndar «aqshany eselep, ósimmen qaıtaramyn» deıtin alaıaqtarǵa aldanyp qalýǵa qatysty oqıǵalardyń jıilep ketkenin habarlaıdy. Qylmyskerler aqshany onlaın ámııanǵa aýdardy suraıdy.
Osylaısha, 20 tamyz kúni polıtsııaǵa qala turǵyny kelip, maýsym aıynda belgisiz bireý Astananyń bıznes ortalyqtarynyń biriniń atynan «aqshany ústeme paıyzben qaıtaramyn» dep alaıaqtyq jolmen 700 myń teńgeni ıemdenip ketken aıtyp shaǵymdanǵan. Atalmysh oqıǵaǵa qatysty QR QK-niń 190-baby, 2-bóligi boıynsha sotqa deıingi tergeý amaldary bastalyp ketti, dep málim etti qalalyq ІІD-niń baspasóz qyzmeti.
Alaıaqtar azamattarǵa berilgen aqshany belgili ýaqyttan keıin ústeme paıyzben qaıtaratynyna sendiredi. Aqshany qalaısha ósimmen qaıtady degen saýalǵa «býkmekerlik keńseler men bırjalarǵa tigetinin» aıtady da. Alaıda qoldaryna qajetti qarajat túsken soń, telefondaryn óshirip tastaıdy.
Mysaly, 21 tamyz kúni polıtsııaǵa 27 jastaǵy kelinshek kelip aryzdanǵan. Ol ǵalamtordan nesıe alýǵa kómektesý týraly habarlandyrýdy kórip, abonenttiń uıaly telefonyna tólem termınaly arqyly 15 myń teńge aýdarǵan. Aqshanyń aýdarylǵany rastalǵan boıda alaıaqtardyń telefondaryn óshirip tastaǵan.
Aldaýdyń keń taralǵan túrine aldyn ala tólem jasap qoıý jatady. Mundaı jaǵdaıda satyp alýshy aqsha aýdaryp, aqshasy tólengen taýar berilmeı qalýy múmkin nemese baǵasy arzan taýar keledi.
Osylaısha, alaıaqtardyń biri Astana qalasynyń taǵy bir turǵynyna ınternet jelisiniń kómegimen mobıldik bankıng arqyly alaıaqtyq jolmen aqshalaı qarajat aýdartqyzǵan. Azamat avtobólshekterdi satyp alý úshin esepshotqa aldyn ala tólem aýdarǵan. Endi aqsha da, taýar da joq.
Dál osy derekterdiń barlyǵyna qatysty tártip saqshylary keshendi jedel-izdestirý sharalaryn júrgizip jatyr.
