Astanada alaıaq boıjetkender páter jaldaıtyndardyń aqshasyn ıemdenip ketken
ASTANA. QazAqparat - Astana polıtsııasyna jalǵa páter alamyz dep sońynda baspanasyz jáne aqshasyz qalǵan azamattar shaǵymdandy, dep habarlaıdy Astana qalasy ІІD-niń baspasóz qyzmeti.
Astana polıtseıleri azamattardy aldap ketken 18 jáne 19 jastaǵy eki boıjetkendi ustady. Qazir QR QK-niń «Alaıaqtyq» baby boıynsha sotqa deıin tergeý amaldary júrgizilip jatyr.
Tergeý barysynda belgili bolǵandaı, eki boıjetken saıttarǵa qala ortalyǵynan «tıimdi baǵaǵa jaıly páter jalǵa beretini» týraly jarnama jarııalaǵan. Alaıda oǵan qosqan páterdiń sýretin basqa jarnamalardan alǵan.
Qyzdar zardap shekken azamattarmen kezdesken sátte ózderin «rıeltor nemese úıdiń ıesi» retinde tanystyrǵan. Artynan qoldary tımeıtinin aıtyp, páter jaldaýshylarǵa baspanany ózderi kóre salýy úshin kiltin bergen. Alaıda aıtylǵan mekenjaıǵa barǵandar san soǵyp qalǵanyn kesh bilgen.
Tergeýde boıjetkenderdiń Astanada osyndaı alty qylmys jasaǵany anyqtaldy. Zardap shekken azamattar 30 myńnan 100 myń teńgesinen qaǵylǵan.
Kúdiktiler osyǵan uqsas aılamen basqa da adamdardy aldap ketken bolýy yqtımal. Sondyqtan polıtsııa mundaı jaǵdaıǵa tap bolǵan azamattardy Almaty aýdandyq ІІB-ge qarasty aýdandyq polıtsııa bólimine kelip shaǵym berýin nemese 8 (7172) 972-888, 972-889, 972-900, 972-901, 972-883 telefon nómirlerine habarlasýyn suraıdy.
