Astanada alaıaq bóten adamnyń páterin satyp jibergen
ASTANA. QazAqparat - Elordalyq polıtseıler páter satqan kúdiktini ustady, dep habarlaıdy Astana ІІD baspasóz qyzmeti.
«Esil aýdandyq ІІB tergeý bólimi 37 jastaǵy Rýslan Hýtıevke qatysty alaıaqtyq faktisi boıynsha sotqa deıingi tergep-tekserý jumystaryn júrgizip jatyr. Ol senimine kirip, aldap-arbaý joldarymen ózine tıesili emes páterge jalǵan qujat jasap, satyp jibergen, aqshany alǵan boıda izin sýytqan», - delingen habarlamada.
Osy fakti Sotqa deıingi tergep-tekserýdiń biryńǵaı tizilimine QR QK 190-baby ıýoıynsha («Alaıaqtyq») tirkeldi. Kúdikti qamaýda otyr. Polıtsııa Rýslan Hýtıevtiń alaıaqtyq áreketterinen jábirlengen azamattardan Esil aýdandyq ІІD-ne (Qorǵalshyn tas joly, 21), myna telefondarǵa: 8 700 099 92 69, 8 775 444 44 58, 8 (7172) 71-65-58, 71-65-57 nemese «102» nómirine habarlasýyn suraıdy.
