Astanada «Alaý» muz aıdyny saraıyndaǵy buqaralyq syrǵanaýdyń jańa maýsymy ashyldy
ASTANA. QazAqparat - Elordalyq arena konkı sportynyń kásibı sheberleri men áýesqoılardy qaıta qabyldaýǵa daıyn. Buqaralyq syrǵanaý búgin saǵat 12:00-den bastaldy. Bul týraly elorda ákimdiginiń resmı saıtynda habarlady.
Endi «Alaý» muz aıdyny saraıyndaǵy buqaralyq syrǵanaýlar dúısenbiden basqa kúnderdiń barlyǵynda júrgiziledi. Astanalyqtardyń suraýy boıynsha kúndelikti úsh saǵatqa sozylatyn keshki saǵat 19:00-den bastalatyn bir seans qosymsha engizilip otyr.
Jańa 5-shi maýsymda muz saraıynyń qonaqtary eski baǵa boıynsha konkı tebýge qatysa alady. Syrǵanaýdyń eń tómengi baǵasy 250 teńgeni quraıdy. Keshki seanstyń quny 1500 teńgeden joǵary bolmaıdy.
Sonymen qatar, stýdentterge arnalǵan jeńildikter qarastyrylǵan kúnder uzartyldy. Jazǵy jobalardyń san alýandyǵyna qaramastan (ústel tenısiniń marafony, rolıkodrom, dzıýdo boıynsha álem chempıonaty), «Alaý» muz aıdyny saraıynyń basty maqsaty - konkı sporty túrlerimen aınalysatyn sportshylarǵa meken bolý bolyp tabylady.
Búgingi tańda konkı sportynyń Ulttyq quramasy óz jattyǵý jumystaryn bastap ketti, al qazan aıynyń sońynda «Alaý» muz saraıynda konkı tebýden Qazaqstan chempıonaty ótedi. Sondaı-aq, short-trek pen konkı sporty sektsııasyna balalardy qabyldaý jalǵasýda.
