Astanada Alash tasjolynyń ýchaskesi ýaqytsha jabylady
ASTANA. KAZINFORM — 8-12 mamyr aralyǵynda atalǵan ýchaskede qozǵalys ishinara jabylady, dep habarlaıdy Astana qalasynyń ákimdiginiń baspasóz qyzmeti.
Astana qalasynyń Kólik jáne jol-kólik ınfraqurylymyn damytý basqarmasy 191 kóshesinen 69 kóshesine deıingi ýchaskede Alash tasjolyna ortasha jóndeý júrgizedi.
Osyǵan baılanysty, 8-12 mamyr aralyǵynda atalǵan ýchaskede qozǵalys ishinara jabylady. Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.
Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Buǵan deıin habarlanǵandaı, Astanada áskerı sherýge baılanysty qaı kósheler ýaqytsha jabylatyny aıtyldy.