Astanada Alash tasjolyndaǵy jóndeý jumystary taǵy eki aptaǵa uzartyldy
ASTANA. KAZINFORM — Astanada Alash tasjolynyń jóndeý jumysynyń ýaqyty aýa raıyna jáne óndiristik qajettilikke baılanysty 10 qyrkúıekke deıin uzartyldy. Bul týraly Astana ákimdiginiń baspasóz qyzmeti habarlady.
Aıta keteıik, Astanada Alash tasjolynda salmaq ólsheý datchıkterine arnalǵan beton jabyndysyn ornatý jumysy júrgizilip jatyr. Jumys ýchaskesiniń uzyndyǵy — 400 metr.
— Bul rette kólik qozǵalysy qarsy baǵyttaǵy jolaqtar arqyly uıymdastyrylady. Júrgizýshiler men jaıaý júrginshiler júrý baǵytyn aldyn ala josparlap, múmkin bolatyn ózgeristerdi eskerýi qajet, — delingen habarlamada.
Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men baǵyttaýshy kórsetkishter ornatylady.
Astanada Sh. Ýálıhanov kóshesi jóndeý jumysyna baılanysty ishinara jabylatynyn habarlaǵan edik.
