Astanada «Alash kósemsózi» atty 10 tomdyqtyń alǵashqy 4 tomynyń tusaýkeseri ótti

Alash ádebıeti, tarıhy, saıası kózqarasy biraz zerttelgenin atap ótken Jýrnalıstıka máselelerin zertteý ınstıtýtynyń dırektory Namazaly Omashevtiń aıtýynsha, alashtyń pýblıtsıstıkasy, kósemsózi osyǵan deıin úlken eńbek bolyp jaryqqa shyqpaǵan. ıAǵnı alash baspasózi jýrnalıstkalyq turǵydan zerttelmegen edi. Al bul eńbek sol olqylyqtyń ornyn toltyratyn súbeli jınaq bolyp otyr.

«1-2-tom kezinde Tashkentte jaryq kórgen «Sholpan» jýrnalyna, al 3-4-tom Germanııada, Frantsııada jaryq kórip turǵan «Jas Túrkistan jýrnalyna arnaldy». Bul ekeýi de buryn jaryq kórmegen. Tipti «Jas Túrkistannyń» tupnusqasy qazir Qazaqstan aýmaǵynda da joq», - dedi joba jetekshisi ári jalpy redaktsııasyn basqarǵan N.Omashev.

Onyń atap ótýinshe, «Jas Túrkistan» jýrnalynyń M.Shoqaı 10 tomdyq etip jınaǵan túpnusqasy Frantsııadaǵy murajaıda saqtalǵan. Keıin ol qaıtys bolǵannan keıin murajaı atalǵan eńbekti satylymǵa shyǵaryp, Amerıkanyń Kolýmbııa ýnıversıtetiniń ıeligine ótken.

Shaǵataı tilinde jaryq kórgen «Jas Túrkistan» jýrnalynyń oqyrmandary tek Eýropa men Túrkııada ǵana emes, sonymen qatar Iran, Aýǵanstan, Qytaı, Japonııa, Sırııa, Arabstanda da bolǵan. Al arab qarpimen 1922-1923 jyldary jaryq kórgen «Sholpan» jýrnalynda alashtyń ultjandy azamattary, qoǵam qaıratkerleri N.Tórequlov, S.Qojanov, T.Rysqulov, O.Jandosov, M.Dýlatov, Sh.Qudaıberdıev, M.Jumabaev, M.Áýezov. S.Seıfýllınder qalam tartqan.