Astanada alapat órtten er adam japa shekti
ASTANA. QazAqparat - Elordada eki qabatty turǵyn úı órtenip, er adam japa shekti, dep habarlaıdy Astana qalasy TJD baspasóz qyzmeti.
«Búgin, 22 aqpan kúni, 13:35-te «101» nomerine Gagarın 34 mekenjaıyndaǵy úıde órt bolyp jatqandyǵy týraly habar kelip tústi. Órt sóndirýshiler oqıǵa ornyna barǵanda eki qabatty ǵımarattyń otqa oranǵanyn kórgen. Tilsiz jaýmen kúres kezinde TJD qyzmetkerleri 6 turmystyq gaz ballonyn alyp shyqty. Órt aýmaǵy 220 sharshy metrdi qamtydy. Órt 14:39-da oqshaýlanyp, 17:44 aýyzdyqtaldy», delingen habarlamada.
Órt kezinde 24 jastaǵy jigit japa shekti, ol №.1 qalalyq aýrýhanaǵa jatqyzyldy.
Oqıǵa ornynda 6 birlik tehnıka men Astana qalasy «ÓSQ jáne AQJ» MM-niń jeke quramynan 24 adam jumys istedi. OÓAJQJ-dan 1 tehnıka men 5 adam, polıtseıler men jedel járdem qyzmetkerleri jumys istedi.
