Astanada alańda oınap júrgen balanyń qoly temirge qysylyp qaldy
NUR-SULTAN. QazAqparat - Astanada oıyn alańynda oınap júrgen balanyń qoly qysylyp qaldy, dep habarlaıdy QazAqparat.
Bul jaıynda qalalyq tótenshe jaǵdaılar departamentiniń baspasóz qyzmeti málimet taratty.
Keshe jedel-qutqarý jasaǵynyń qutqarýshylary kezekti shaqyrtý kezinde kásibı jáne muqııat jasaǵan is-áreketiniń arqasynda balanyń qolyn aman alyp qaldy.
Oıyn alańynda júrgen bala qolyna temir zat kıip, sosyn qaıta syrtqa shyǵara almaı qalǵan.
Temirdiń tesigi óte tar bolǵandyqtan jáne tesikter bir-birine óte jaqyn ornalasqandyqtan ony óz betinshe shyǵarý múmkin bolmaǵan.
«Biraq qutqarýshylardyń kásibi ári jedel is-áreketiniń arqasynda bir saǵatqa jetpeı az ýaqyt ishinde balanyń qoly aman-esen temirden shyǵarylyp, qutqaryldy» dep málim etti departamentten.
