Astanada «Alan týraly ańyz» anımatsııalyq fılminiń tanystyrylymy ótti
ASTANA. KAZINFORM — Astanada «Alan týraly ańyz» tolyqmetrajdy anımatsııalyq fılminiń alǵashqy kórsetilimi ótti. Týyndyny Mádenıet jáne aqparat mınıstrliginiń tapsyrysymen Ulttyq kınony qoldaý memlekettik ortalyǵynyń qoldaýymen «SAQ» kınostýdııasy túsirdi.
Tanystyrylymǵa otandyq kıno salasynyń ókilderi, mádenıet jáne óner qaıratkerleri, jýrnalıster men fılmniń shyǵarmashylyq toby qatysty.
Fılm jelisi boıynsha Qarajaldyń áskeri beıbit qalany basyp alady. Kezinde jazyqsyz qýylǵan batyr Barystyń uly Alan týǵan halqyn qorǵaý úshin elge oralady. Ol dostary men serikteriniń kómegimen qalany azat etý jolyndaǵy kúreske attanady.
Týyndy ulttyq jáne tarıhı-mádenı qundylyqtardy zamanaýı anımatsııamen ushtastyrǵan. Erlik, dostyq, ádildik pen meıirimdilik týraly shytyrman oqıǵaǵa toly fılm alty jastan asqan kórermenge arnalǵan.
– Balalarǵa arnalǵan fılmderdiń mańyzy zor. Olar ertegiler men mýltfılmder arqyly jaqsylyq pen jamandyqty ajyratýdy úırenedi. Jas urpaqtyń ana tilinde sóıleıtin, bolmysy ózine jaqyn keıipkerlerden úlgi alyp ósýi mańyzdy, – dedi Ulttyq kınony qoldaý memlekettik ortalyǵynyń basqarma tóraǵasy Qurmanbek Jumaǵalı.
Fılmniń rejısseri – Azamat Ernazarov. Stsenarııin Baqytjan Quljabaev, Batyrhan Dáýrenbekov jáne Azamat Ernazarov jazǵan. Prodıýseri – Nurıddın Patteev.
Aıta keteıik, Pavlodar kınoteatryna Sháken Aımanov ataýy qaıta oraldy.
