Astanada «Al Jazeera aptalyǵy» bastaldy
ASTANA. KAZINFORM – Maqsut Narikbayev ýnıversıtetiniń Halyqaralyq jýrnalıstıka mektebinde «Al Jazeera Week» - «Al Jazeera aptalyǵy» saltanatty túrde ashyldy. Sharany MNU Halyqaralyq jýrnalıstıka mektebi, QR Prezıdenti Teleradıokesheni jáne Al Jazeera Media Network ázirlegen.
Aptalyqtyń ashylýynda Maqsut Narikbayev University Basqarma tóraǵasy Talǵat Nárikbaev pen Al Jazeera medıa ınstıtýtynyń dırektory Eman Ál-Amrı yntymaqtastyq týraly memorandýmǵa qol qoıdy.
«Al Jazeera – álemdegi eń iri jáne yqpaldy jańalyq jelileriniń biri. Sondyqtan bul bizdiń ýnıversıtet úshin, el úshin jáne qazir osynda oqıtyn stýdentter úshin keremet múmkindik. Al Jazeera óziniń jýrnalıstik ádildigimen tanymal, óńirlik jáne halyqaralyq oqıǵadarǵa keń aýqymdy kózqaras usynady. Bul memorandým akademııalyq saladaǵy ekijaqty ózara is-qımylǵa jol ashady jáne qazaqstandyq jýrnalıstıka úshin álemdik deńgeıdegi kásibı kadrlardy daıarlaýǵa yqpal etedi», - dedi T. Nárikbaev.
Al Jazeera medıa ınstıtýtynyń dırektory Eman Ál-Amrıdiń aıtýynsha, yntymaqtastyq týraly memorandým medıa salasynda barlyq qajetti daǵdylar men quzyretterdi alýǵa múmkindik beredi.
«Meniń oıymsha, bizde ortaq qundylyqtar kóp jáne durys baǵytta kele jatyrmyz. Ýnıversıtette ózgeris pen shyǵarmashylyqty yntalandyratyn osyndaı shyǵarmashylyq ortanyń bolýy óte keremet. Biz qazir medıanaryqtyń barlyq suranystaryn qanaǵattandyrý úshin jumys istep jatyrmyz», - dep tolyqtyrdy Emen Ál-Amrı.
«Al Jazeera aptalyǵy» aıasynda Qatar telearnasynyń mamandary MNU Halyqaralyq jýrnalıstıka mektebiniń stýdentterine bir aptalyq trenıng ótkizedi jáne zamanaýı medıanyń ózekti máseleleri boıynsha ashyq dárister toptamasyn usynady. Halyqaralyq jýrnalıstıka mektebiniń stýdentterine «Jańalyqtar reportajy», «Data jýrnalıstıka», «Mobıldi jýrnalıstıka», «Tsıfrlyq storıtellıng» jáne «Jańalyqtar júrgizýshisi kýrstary» taqyryptarynda 100 saǵattan astam teorııalyq jáne praktıkalyq sabaqtar berilmek.
Baǵdarlama sońynda stýdentter kýrstyq jobalaryn qorǵaıdy jáne Al Jazeera Media Institute sertıfıkattaryn alady. MNU basqarma tóraǵasynyń orynbasary Erbolat Muhamedjan trenıngtiń biregeı ekenin atap ótti, sebebi munda stýdentter naqty keıster boıynsha tapsyrmalardy oryndaıdy.
«Stýdentter álemdik quqyqtyq jańalyqtar deńgeıinde qabyldanǵan barlyq standarttardy meńgerýi kerek. Mundaı halyqaralyq deńgeıdegi oqytý – Qazaqstanda ǵana emes, Ortalyq Azııa óńirinde de alǵash ret júrgizilip otyr. Jalpy, Al Jazeera-nyń bilikti jýrnalısteri bizdiń stýdentterge ózderiniń kásibıligi men tájirıbesimen bólisetin bolady, sondaı-aq taǵylymdamalar da qarastyrylǵan. Al Jazeera medıa ınstıtýty trenıngke qatysýshylardy jumysqa shaqyrýǵa da daıyn ekenin bildirdi. Al Jazeera telekompanııasynyń álem boıynsha 45 front keńsesi men fılıaldary bar. Qazaqstan da kásibı mamandardy izdeý jáne kadrlardy irikteý turǵysynan óte qyzyqty bolyp otyr», - deıdi Erbolat Muhamedjan.
Aıta keteıik, QR Prezıdentiniń teleradıokesheni – Qazaqstannyń eń iri medıakompanııalarynyń biri, onyń quramyna Jibek Joly, Silk Way, Silk Way Cinema telearnalary, Qazaqstandaǵy eń tarıhı KAZINFORM halyqaralyq aqparattyq agenttigi jáne Derekti kıno ortalyǵy kiredi.
Al Jazeera telekompanııasy – 1996 jyly Qatar ámiriniń jarlyǵymen qurylǵan halyqaralyq telekompanııa. Telekompanııa álemniń kóptegen elderinde arab jáne aǵylshyn tilderinde habar taratady, 50-den astam sheteldik bıýrolary bar. Al Jazeera Documentary arnasynda derekti kontent kórsetiledi.
