Astanada Ál-Farabı men Hýseın ben Talal qıylysy bir aıǵa jabylady
ASTANA. KAZINFORM — Atalǵan ýchaskede joba aıasynda jol tósemin salý jumystaryn qosa alǵanda, qurylys jumystary júrgiziledi.
«Qabanbaı batyr dańǵylynan Hýseın ben Talal kóshesine deıingi aralyqta Táýelsizdik (Ál-Farabı) dańǵylyn salý» jobasyn iske asyrý aıasynda 5–30 qarasha aralyǵynda Hýseın ben Talal kóshesi men Ál-Farabı dańǵylynyń qıylysynda kólik qozǵalysy tolyǵymen jabylady.
Atalǵan ýchaskede joba aıasynda jol tósemin salý jumystaryn qosa alǵanda, qurylys jumystary júrgiziledi.
— Júrgizýshiler men jaıaý júrginshilerden qozǵalys baǵyttaryn aldyn ala josparlap, jol qozǵalysyn uıymdastyrýdaǵy ýaqytsha ózgeristerdi eskerýdi suraımyz.
Qozǵalys qaýipsizdigin qamtamasyz etý jáne qolaısyzdyqtardy barynsha azaıtý maqsatynda ýaqytsha jol belgileri men baǵyttaýshy kórsetkishter ornatylady.
Qala turǵyndary men qonaqtarynan engizilgen ózgeristerge túsinistikpen qarap, qala ishindegi qozǵalys baǵyttaryn aldyn ala josparlaýdy suraımyz, — delingen habarlamada.
Aıta ketelik Astanada eki kósheniń qıylysynda kólik qozǵalysy ýaqytsha jabylatyny týraly jazǵan edik.
