Astanada aqyndar, ártister qazaq kúresinen kúsh synaıdy

ASTANA. QazAqparat - Erteń Astanada tvorchestvo ókilderi qazaq kúresinen kúsh synasady, dep habarlaıdy, QazAqparat qalalyq Mádenıet jáne sport basqarmasynyń baspasóz qyzmetine silteme jasap.

Naýryz merekesine oraı 21 naýryzda saǵat 14;00-de Astanadaǵy «Dáýlet» sport kesheninde qazaq kúresinen «Óner barysy» respýblıkalyq týrnıri ótedi. Jıyrmaǵa jýyq palýan chempıondyq beldikti sarapqa salady. Olardyń ishinde boz kilemge 16-36 jas aralyǵyndaǵy shyǵarmashylyq maman ókilderi, tanymal artıster men mýzykanttar shyǵady.

Ánshiler, aıtyskerler, akterler, KTA-ǵa qatysýshylar ulttyq sport túrinen sheberlik baıqasady. Olardyń qatarynda Abaı Aıazbaev, Serik Ibragımov, Meıirjan Tórebaev, Amangeldi Óteshov, Asylhan Tólepov, Artýr Tólepov, Aıan Ótepbergen, Nurlan Musaev, Erkebulan Daıyrov, Álibek Serǵalıev, Nurbolat Abdýllın, Ardak Baıǵabyl, Ǵalym Mahambetov, Aqbolat Ótebaı, Syrymbet Bıbosynov, Hamıt Erdehan jáne basqalary bar.