Astanada aqyn J. Moldaǵalıevtiń shyǵarmashylyǵy boıynsha «Men qazaqpyn» atty poetıkalyq marafon ótýde
STANA. Qyrkúıektiń 22-si. QazAqparat /Jasulan Amanbaıuly/ - Búgin elordadaǵy QR Ulttyq akademııalyq kitaphanasynda «Bir el - bir kitap» aktsııasyna arnalǵan aqyn Juban Moldaǵalıevtiń shyǵarmashylyǵy boıynsha «Men qazaqpyn» atty poetıkalyq marafon ótip jatyr.
«Men qazaqpyn» poemasy árbir qazaqtyń júreginde ulttyq, partıottyq sezimdi oıatý úshin, elimizge, jerimizge degen súıispenshilikti qalyptastyrý úshin dúnıege kelgen. Búgingi kúni bul poema bizdiń ultymyzdy ǵana emes, búkil halyqty biriktirý úshin, qazaq elin uıystyrý úshin qyzmet jasaýda», deıdi «Bir el - bir kitap» aktsııasynyń uıymdastyrý komıteti tóraǵasynyń orynbasary Ǵalııa Bókeıqyzy.
Eske sala keteıik, Qazaqstanda «Bir el - bir kitap» jobasy aıasynda bıyl Juban Moldaǵalıevtiń «Men qazaqpyn» poemasy oqýǵa tańdalǵan bolatyn.
Uıymdastyrýshylardyń aıtýynsha, Qazaqstanda aktsııa aıasynda qyrkúıektiń 22-si men 28-i aralyǵynda birqatar sharalar ótkiziledi. Osymen qatarynan 4-shi jyl qatarynan ótkizilip jatqan shara kezinde barlyq kitaphanalar men oqý oryndarynda, mektepterde kitap kórmeleri, ádebı keshter, zertteýshiler men ádebıettanýshylarmen kezdesýler uıymdastyrylyp, osy shyǵarmany nasıhattaý boıynsha kitap oqýshylar konferentsııasy, ashyq sabaqtar ótedi.
Kezekti aktsııa aqıyq aqyn Jubannyń týǵanyna 90 jyl tolýymen tuspa-tus kelip otyr.
