Astanada aqyn-sazger Ákim Ysqaqtyń «Kóńil qymbat» atty shyǵarmashylyq keshi ótedi
ASTANA. Qyrkúıektiń 8-i. QazAqparat - Qyrkúıektiń 10-kúni Astana qalasyndaǵy Prezıdenttik mádenı ortalyqtyń kontsert zalynda Qazaqstan Jazýshylar odaǵynyń múshesi, aqyn-sazger Ákim Ysqaqtyń «Kóńil qymbat» atty shyǵarmashylyq keshi ótedi,
dep habarlaıdy QazAqparat.
Bul shara qyrkúıektiń 3 kúni 50 jasqa tolǵan qalamgerdiń mereıtoıyna arnalyp otyr. Aqyn, jýrnalıst Ákim Ysqaqtyń jáne bir qyry - sazgerligi. Ol ózindik órnegi bar jetpiske jýyq ánniń avtory. Ásirese, «Kóńil qymbat», «Kók týdyń jelbiregeni» degen ánderi ónersúıer qaýymǵa jaqsy tanymal.
Á.Ysqaq - Shymkent pedagogıka ınstıtýtynyń túlegi. Áýeli týǵan aýylynda mektep muǵalimi, keıin respýblıkalyq "Jas Alash" gazetiniń tilshisi boldy. Sodan keıin oblys ákiminiń baspasóz hatshysy, Ordabasy aýdandyq oqý bóliminiń meńgerýshisi qyzmetterin atqardy.
QR Parlamenti Májilisiniń birinshi shaqyrylymynyń depýtaty boldy. Birneshe jyr jınaqtarynyń avtory.
