Astanada aqyn Ońaıgúl Turjannyń jyr keshi ótti (FOTO)
Aqyn shyǵarmashylyǵyna oraı uıymdastyrylǵan dramalyq-sazdy jyr keshi azattyq taqyrybyna arnalǵan.
Kesh barysynda ánshi Tamara Asar, kúıshi Rymhan Ábilhanuly, ánshi Marat Safarov, sondaı-aq Mańǵystaý oblystyq fılarmonııasynyń «Aqjarma» folklorlyq-etnografııalyq ansambli óz ónerlerimen tánti etti. Ónerpazdar Ońaıgúl Turjannyń sózine jazylǵan «Narly meken», «Qara jorǵa», «Qazaq elim!» ánderin oryndady.
Kesh qonaqtary retinde belgili aqyn-jazýshylar, QR Parlamenti Senaty men Májilisiniń depýtattary, Astana qalasy ákimdiginiń ókilderi, BAQ ókilderi jáne basqa da jyrsúıer qaýym keldi.
Aıta keteıik, óziniń mazmundy jyrlarymen respýblıkamyzǵa tanymal O.Turjannyń ǵylym salasynda da ózindik qoltańbasy bar. Onyń «Mahambet óleńderiniń poetıkasy» atty monografııasy ekinshi qaıtara basylyp shyqty. Sondaı-aq Ystambul ýnıversıtetiniń professorlary Aıla jáne Aıdemır Okaımen birigip joǵary oqý oryndaryna arnalǵan «Jurtshylyqpen baılanys: negizgi uǵymdar, strategııasy men tájirıbeleri» atty oqýlyq jazyp, jaryqqa shyǵardy. Munymen qosa, ol aýdarma salasyna da qomaqty úles qosty. Sheteldik klassık-qalamgerler S.Tsveıg, Z.Freıd, V.Shoınka, G.Vasılev shyǵarmalaryn qazaq tiline aýdardy.
O.Turjan L.N.Gýmılev atyndaǵy Eýrazııa ulttyq ýnıversıtetiniń jýrnalıstıka jáne saıasattaný fakýltetiniń dotsenti, Farıza Ońǵarsynova negizin qalaǵan «Tumar» jýrnalynyń bas redaktory, fılologııa ǵylymdarynyń kandıdaty, ǵalym-zertteýshi, aýdarmashy. Ol «Samal» (1987), «Sherqala» (1998), «Jyr-dala» (2001), «Teńizder de shóldeıdi» (2003), «Jyr kitaby» (2007) atty birneshe jyr jınaqtarynyń avtory. Qazaqstan Jazýshylar jdaǵynyń múshesi, Tólegen Aıbergenov atyndaǵy ádebı syılyqtyń laýreaty.
