Astanada aqyn Q.Amanjolovtyń 100 jyldyǵyna arnalǵan ádebı-mýzykalyq kesh ótedi
ASTANA. 13 maýsym. QazAqparat - Astanada qazaqtyń asa iri aqyndarynyń biri Qasym Amanjolovtyń 100 jyldyq mereıtoıyna arnalǵan ádebı-mýzykalyq kesh ótedi. Bul týraly QR Mádenıet mınıstriniń baspasóz qyzmetinen habarlady.
Mádenı kesh 17 maýsym kúni «Dúnıege keler áli talaı Qasym» atpen QR Prezıdenttik mádenıet ortalyǵynda ótedi. Oǵan elimizdiń betke ustar sahna sheberleri: QR Eńbek sińirgen qaıratkeri Altynaı Jorabaeva, QR Eńbek sińirgen ártisi Seken Turysbekov, QR Halyq ártisi Gúljan Áspetova, QR Eńbek sińirgen qaıratkeri Meıirhan Adambekov, QR Halyq ártısi Sara Tynyshtyǵulova, QR Eńbek sińirgen qaıratkeri Aıgúl Nııazova, respýblıkalyq konkýrstardyń laýreattary Serjan Musaıyn, Dinıslam Jaılaýbaı, Jambyl Dúsenov, Syrym Hordın jáne basqalary qatysady.
Qasym Amanjolov - qazaqtyń asa iri aqyndarynyń biri. Onyń kórkemdik-estetıkalyq deńgeıi joǵary, qazaq ádebıeti tarıhynda aıtýly orynǵa ıe shyǵarmashylyǵy, negizinen, poezııalyq týyndylardan turady. Aqynnyń ádebı mol murasyn 7-8 poemasy men alýan taqyryptaǵy lırıkalary quraıdy. Q.Amanjolov - kórkem aýdarma óneriniń de úzdik sheberi. Ol orys, batys pen shyǵys poezııasynyń klassıkalyq týyndylaryn: lırıkalyq óleńder men poema-dastandaryn qazaq tiline aýdardy.
