Astanada aqyly joldaǵy qaryzy úshin júrgizýshige 150 myń teńgege aıyppul salyndy
ASTANA. QazAqparat - Astananyń Saryarqa aýdandyq soty júrgizýshiden 153 myń teńgege jýyq aqshany óndirip alý týraly qaýly shyǵardy, dep habarlaıdy QazAqparat.
Sotqa «QazAvtoJol» UK» AQ ókilderi júginip, «Astana-Petropavl» respýblıkalyq mańyzdaǵy avtokólik jolynyń aqyly ýchaskesimen júrgeni úshin qalyptasqan qaryzdy Sh. esimdi azamattan tıisti somada óndirip alý týraly ótinim jasady.
Júrgizilgen taldaýdyń barasynda atalǵan júrgizýshiniń saparlary naqtylandy. Osy rette boryshkerge eskertý habarlamasy jiberilgen, alaıda ol erikti túrde ony oryndamaǵan.
«Jaýapkerden 152 900 teńge kóleminde qaryz somasyn tóletý jóninde sot sheshimi shyǵaryldy. Sheshim zańdy kúshine engen joq»,-dep habarlady elorda sotynyń baspasóz qyzmeti.
Budan buryn habarlanǵandaı, 2016 jyly «Astana-Petropavl» jolynyń boıyndaǵy «Astana-Şýchınsk» aqyly jolynda jınalǵan qarjynyń kólemi 1 mlrd. 251 mln. teńgeni qurady.
