Astanada «aqyldy» tehnologııalardyń ASTEX-2014 halyqaralyq kórme-konferentsııasy óz jumysyn bastady
ASTANA. QazAqparat - Búgin Astanadaǵy ASTEX-2014 halyqaralyq kórme-konferentsııasy óz jumysyn bastady. Osy sharanyń ashylýynda QR Baılanys jáne aqparat agenttiginiń tóraǵasy Asqar Jumaǵalıev QR Úkimet basshysy Kárim Másimovtiń quttyqtaý sózin oqyp berdi.
«Búginde aqparattyq kommýnıkatsııalyq ınfraqurylym kez kelgen memlekettiń ekonomıkalyq damýynyń mańyzdy elementine aınalýda. Aqparattyq-kommýnıkatsııalyq tehnologııalardyń qarqyndy damýy men ınternet júıesimen qamtý deńgeıiniń artýy jańa saýda túrleriniń paıda bolýyna, elder arasyndaǵy taýar aınalymynyń artýyna, jańa jumys oryndaryn qurýǵa yqpal etedi. Bul óz kezeginde álemdik ekonomıkanyń postdaǵdarystyq kezeńdegi damýynda mańyzdy. Osy oraıda ASTEX-2014 konferentsııasy elektrondy kommertsııanyń negizgi problemalary men ony sheshý joldaryn jáne damý trendterin aıqyndaýǵa múmkindik beretinen senimdimin»,-delingen K. Másimovtiń sózinde.
Aıta keteıik, osy forýmǵa iri kompanııalardyń basshylary, ınvestorlar, álemdik ınternet-bıznestiń oıynshylary jáne sarapshylar qatysýda. Konferentsııa aıasynda yntymaqtastyq týraly qujattar bekitilýde.
