Astanada AQTQ (VICh) juqtyrǵan adamdardyń sany 600-ge jýyqtady
ASTANA. 12 qarasha. QazAqparat - Astanada Adamnyń qorǵanysh tapshylyǵynyń qozdyrǵyshy aýrýyna shaldyqqandardyń sany artýda. Bul týraly astana.kz saıtyna Astana qalasynyń JQTB kúres jáne aldyn alý ortalyǵy habarlady.
Aǵymdaǵy jyldyń 9 aıynda Astanada AQTQ aýrýynyń 76 jańa oqıǵasy tirkeldi. Bul ótken jylmen salystyrǵanda 6-ǵa kóp. Jalpy bıyl 1 qazandaǵy jaǵdaı boıynsha qalada Adamnyń qorǵanysh tapshylyǵynyń qozdyrǵyshy aýrýyna shaldyqqan 559 adam tirkelgen.
Astanada AQTQ epıdemııasy qoǵamnyń osal toptary arasynda, ásirese nashaqorlardyń qatarynda taralǵan. Beıbereket jynystyq qatynasqa túsetin, seks-ındýstrııada isteıtin, sondaı-aq bas bostandyǵynan aıyrylǵan adamdar AQTQ juqtyrǵandardyń jartysyn quraıdy. JQTB ortalyǵynyń habarlaýynsha, jalpy oqıǵalardyń 68 paıyzy jynystyq jolmen taraǵan.
