Astanada aqsha aıyrbastaý pýnktiniń mańyndaǵy tonaý áreketi vıdeoǵa túsip qaldy

ASTANA. QazAqparat - Polıtsııaǵa elordanyń 23 jastaǵy turǵyny, belgisiz adamdardyń kúndiz 5 myń dollar kóleminde aqsha urlamaq bolǵany týraly aryzdandy, dep habarlaıdy QazAqparat Polisia.kz Telegram kanalyna silteme jasap.

Atalǵan fakti boıynsha Jedel-izdestirý is-sharalaryn ótkizý barysynda elordalyq polıtseıler «Daewoo Lacetti» markaly avtomashınasyn anyqtady.

Jambyl oblysy Moıynqum aýdany aýmaǵynda 54 jáne 25 jastaǵy kúdiktiler ustaldy.

Avtokólikti tekserý barysynda segiz patrony bar gazdy tapansha, tapansha túrindegi ottyq jáne medıtsınalyq qara maska tárkilendi.

Qazirgi ýaqytta QK-niń 191-baby 3-bóligi boıynsha sotqa deıingi tergeý amaldary júrgizilýde. Saraptama taǵaıyndaldy.

«Kúdiktiler ýaqytsha ustaý ızolıatoryna qamaldy»,-delingen habarlamada.