Astanada aqsha aıyrbastaý pýnktinde oq atyldy
ASTANA. QazAqparat - Búgin, 17 tamyz kúni tańǵy saǵat 05.55-te Astana qalasy, Respýblıka dańǵylynda ornalasqan aqsha aıyrbastaý pýnktine belgisiz bireý kassırge qarý kezengen.
«17 tamyz kúni tańǵy saǵat 06.00 shamasynda Respýbıka dańǵylynyń boıyndaǵy aqsha aıyrbastaý pýnktinde belgisiz er adam pnevmatıkalyq qarýdan oq atqan. Ol aqsha aıyrbastaý pýnktiniń terezesin shaǵyp, birneshe ret oq atqan soń oqıǵa ornynan izin sýytqan»,-dep habarlady Astana qalalyq ІІD baspasóz qyzmeti.
Derekkózine súıensek, abyroı bolǵanda, aıyrbastaý pýnktiniń kassıri zardap shekpegen.
«Oqıǵa ornyna shuǵyl túrde patrýldik polıtsııanyń eki ekıpajy attanǵan. Qazirgi tańda quqyq qorǵaý organdary tıisti tergeý amaldaryn júrgizip jatyr. Osy fakti sotqa deıingi tergeýdiń biryńǵaı tizbesine engizildi. QR Qylmystyq kodeksiniń «Buzaqylyq» baby boıynsha qylmystyq is qozǵaldy. Jedel-izdeý jumystary bastalyp, buzaqyny izdeý jalǵasyp jatyr»,-delingen aqparatta.
