Astanada Aqparattyq kommýnıkatsııalyq tehnologııalardy damytý qory ashylady
ASTANA. 9 qazan. QazAqparat - Búgin «Rixos President Astana» qonaqjaıynda Aqparattyq kommýnıkatsııalyq tehnologııalardy damytý qorynyń ashylýyna oraı baspasóz máslıhaty ótedi.
Bul týraly Aqparattyq kommýnıkatsııalyq tehnologııalardy damytý qorynyń baspasóz qyzmeti habarlady.
Qordyń negizgi qyzmeti otandyq AKT salasyndaǵy startap jobalardyń damýyna jaǵdaı jasaýǵa baǵyttalǵan. Qor AKT startap jobalarǵa eń bastapqy kezeńde ınvestıtsııa salyp, sarapshylyq qoldaý kórsetedi jáne qajetti ınfraqurylymmen qamtamasyz etedi, oǵan qosa jobany ulǵaıtý úshin ınvestorlar men seriktesterdi tabýǵa kómek beredi.
Baspasóz máslıhatyna QR kólik jáne kommýnıkatsııa mınıstri A.Jumaǵalıev, vıtse-mınıstr S.Sársenov, «Zerde» ultty aqparattyq kommýnıkatsııa holdıngi» AQ basqarma tóraǵasynyń orynbasary B.Qurmanǵalıeva, «Qazaqtelekom» AQ basqarma tóraǵasy Q.Esekeev, Aqparatttyq kommýnıkatsııalyq tehnologııalardy damytý qorynyń bas dırektory A.Qýandyqov jáne basqa da resmı tulǵalar qatysady.
