Astanada aqmolalyq ərtisterdiń gala-kontserti ótti

KÓKShETAÝ. QazAqparat- Astana qalasynda «EKSPO-2017» halyqaralyq mamandandyrylǵan kórmesine arnalǵan Aqmola oblysynyń mádenıet kúnderi aıasynda elorda turǵyndary men qonaqtaryna oblystyq fılarmonııanyń kásibı ujymdary, eń úzdik shyǵarmashylyq kórkemónerpazdar úıirmeleri gala-kontsertin usynýda, dep habarlaıdy «QazAqparat» HAA tilshisi.

«EKSPO-2017» halyqaralyq mamandandyrylǵan kórmesiniń amfıteatrynda ótip jatqan sharaǵa Aqmola oblysynyń əkimi Məlik Myrzalın, «Astana EKSPO-2017» UQ» AQ-y Basqarmasynyń tóraǵasy Ahmetjan Esimov jəne QR Mədenıet jəne sport mınıstri Arystanbek Muhamedıuly qatysty.

Gala-kontsertte halyq aspaptary orkestri I.Shtraýstyń «Marsh Radetskogo», saksofonıster kvarteti A.Pıatstsollanyń «Lıbertanto» kompozıtsııasyn oryndasa, birlesken shyǵarmashylyq ujymdar «Halyqtar dostyǵy» horeografııalyq bıin kórsetti.
Jalpy, Aqmola oblysynyń mádenıet kúnderi aıasynda kókshe jerinen kelgen 1500-den astam ərtister astanalyqtarǵa óz ónerlerin usynatyn bolady.

Eske sala keteıik, Aqmola oblysy mádenıet kúnderiniń saltanatty ashylýy 21 maýsymda keshki saǵat 19.00-de Astana qalalyq ákimdigi aldyndaǵy alańda ótedi.



Sondaı-aq, 23 maýsym kúni saǵat 11.00-17.00 aralyǵynda «2017.EXPO.AKMOLA» ádebı saıabaǵynda ótetin («Otan qorǵaýshylar» monýmenti aldyndaǵy «Parýs» sahnasy) «Aqmola juldyzdary» gala-kontserti, sýretshiler men qolóner sheberleriniń kórmesi de óz mazmundylyǵymen erekshelenetindigi aıdan anyq.

22-25 maýsym kúnderi etnoaýyldaǵy saǵat 11.00-den 20.00-ge deıin dýmany bir tynbaıtyn teatrlandyrylǵan mádenı kópshilik is-sharalarda Kókshetaý qalasynyń, Býrabaı, Shortandy jáne Qorǵaljyn aýdandarynyń kórkemsýret sheberhanalarynyń mamandary sheberlik klastaryn ótkizse, «Qazanat» ıppodromynda «BLEK» seriktestigi óziniń ulttyq naqyshtaǵy qazaqy buıymdaryn usynady. Osy ıppodromda 22 maýsymda kúni boıy ótetin oblystyq shyǵarmashylyq ujymdarynyń «Dala syry» atty kontserti de tyńdarman qaýymdy beıjaı qaldyrmasy anyq.

«EKSPO-2017» kórmesine arnalǵan mádenıet kúnderine oblysymyzdaǵy qos teatr da birqatar tanymal qoıylymdarymen bara jatyr. Atap aıtqanda, Shahmet Qusaıynov atyndaǵy Aqmola oblystyq qazaq mýzykalyq-drama teatry 23 maýsym kúni keshki saǵat 19.00-de Astananyń talǵampaz ónersúıer qaýymyna belgili dramatýrg, jerlesimiz Sh.Qusaıynovtyń «Anamnyń aq kóılegi» dramasyn usynsa, 24 maýsymda keshki saǵat 18.00-de etnoaýyldaǵy amfıteatrda «Kókshe áýenderi» kontserttik baǵdarlamasymen ekinshi qaıtara kıeli sahnaǵa shyǵady.

Al, oblystyq orys drama teatrynyń repertýarynan 23 maýsymda keshkilik M.Gorkıı atyndaǵy orys drama teatrynda kórsetiletin zamanymyzdyń zańǵar jazýshysy Muhtar Áýezovtyń «Qarakóz» tragedııasy jáne dál sol kúni kúndizgi saǵat 12.00-de etnoaýyldaǵy amfıteatrda Muhtar Shahanovtyń povesi boıynsha qoıylatyn «Shyńǵyshan» rok-operasyn atap ótýge bolady.