Astanada Aqmeshit pen Almaty kósheleriniń qıylysy jabylady
ASTANA. KAZINFORM — Aqmeshit jáne Almaty kósheleriniń qıylysynda «Astana qalasynyń Esil aýdanyndaǵy Almaty kóshesi boıymen kólik týnnelin salý jobasy aıasynda qurylys-montaj jumysy júrgiziledi. Bul týraly Astana qalasynyń ákimdigi málim etti.
Osyǵan baılanysty 19 qyrkúıek kúni saǵat 21:00–den bastap atalǵan qıylysta kólik qozǵalysy tolyqtaı shekteledi.
Qozǵalysty shekteý jyl sońyna deıin jalǵasady dep josparlanyp otyr.
— Bul rette kólik qozǵalysy joldyń bir jaǵymen eki baǵytta uıymdastyrylady. Júrgizýshiler men jaıaý júrginshiler júrý baǵytyn aldyn ala josparlap, yqtımal ózgeristerdi eskerýi qajet, — dep eskertti ákimdikten.
Aıta keteıik, Astanada bıyl 50 kóshede jol jóndeý jumystary júrgiziledi.
