Astanada ákimdigi Botanıkalyq baqta balyq neden qyrylǵanyn túsindirdi

ASTANA. KAZINFORM – Astana ákimdigi Botanıkalyq baqtaǵy jasandy kólshikte balyqtyń qyrylý deregine qatysty túsinik berdi.

— Botanıkalyq baqtaǵy jasandy kólshik áýelde ınjenerlik júıeniń bir bóligi retinde, ıaǵnı kógaldardy sýarý men fontannyń jumysyna bola jasalǵan. Onyń qurylymy balyq ósirýge nemese balyqtyń mekendeýine saı kelmeıdi, - delingen habarlamada.

Sondaı-aq ákimdik bunda balyqtardyń qalaı kelgenin túsindirdi.

— Bul sý kózi «Nura» kanaly arqyly toltyrylyp otyrady, kishkene shabaqtar sol jolmen kólshikke túsken bolýy múmkin. Kanaldan sý keletin jolda arnaıy tosqaýyl tor qoıylǵan. Ol iri balyqtardyń ótýine jol bermegenmen, ýyldyryqtar men shabaqtardy tosa almaıdy. Buǵan deıin (2022 jyly) sýdaǵy jándikterdi saqtaý úshin qys mezgilinde muzdy burǵylaý jumystary júrgizildi. Biraq sý kózi jasandy bolǵandyqtan jáne taıaz bolýy sebepti bul tásil paıda bermedi. Kólshik tabanyna deıin muz bop qatyp qaldy, - delingen málimdemede.

Atqarýshy organnyń habarlaýynsha, qazirgi ýaqytta «Esil» aýdany ákimdigi kólshikti organıkalyq qaldyqtar men ólgen balyqtardan tazartý jumysyna kirisip ketken.

Aıta ketelik SQO Aralaǵash aýylynyń mańyndaǵy kanalda balyq qyrylyp jatqany týraly jazǵan edik.