Astanada aqıyq aqyn Muqaǵalı Maqataevtyń jyrlary asqaqtaıdy

dep habarlaıdy QazAqparat.

Alataýdan túlep ushyp, barsha qazaqtyń aıaýly aqynyna aınalǵan Muqaǵalı halqyna óshpes mura qaldyrdy. Aqpan aıyndaǵy aqynnyń týǵan kúni bul kúnderi elimizdiń ár óńirinde ótip jatyr. Sondaı mádenı shara Elordasynda josparlanyp otyr.

Astanadaǵy «Turan» meıramhanasynda ótetin «Amanat bir ózińe jyrym-syrym...» atty aqyn keshine QR Parlamenti Májilisiniń depýtaty, ánshi Bekbolat Tileýhan, belgili aqyn-jazýshylar Kákimbek Salyqov, Ánes Saraı, Qoıshyǵara Salǵarauly qatysyp, Muqaǵalı Maqataev týraly syrlarymen bólisedi dep kútilýde.

Osy mádenı sharany Astana qalalyq Tilderdi damytý basqarmasy «Zerde» ınnovatsııalyq ortalyǵymen birlesip uıymdastyryp otyr.

Bul keshte aqynnyń asqaq rýhty óleńderi oqylady jáne ánshiler aqynnyń sózine jazylǵan ánderdi oryndaıdy.

Aqynnyń keshi saǵat 18-00-de bastalady.