Astanada «Ákimge suraq qoı» aktsııasy bastaldy
ASTANA. QazAqparat - Astanada «Ákimge suraq qoı» atty aktsııa bastaldy, dep habarlaıdy QazAqparat qala ákimdigine silteme jasaı otyryp.
28 aqpan kúni Astana ákimi Áset Isekeshev qala turǵyndaryna esep berý úshin kezdesedi. Kezdesýde turǵyndar ákimge ózderin alańdatqan suraqtardy qoıyp, jaýabyn ala alady.
«Esep berý kezdesýine barlyq turǵyn qatysa almaıtyndyqtan «Ákimge suraq qoı» atty aktsııany qolǵa alyp otyrmyz. Aktsııa barysynda qalaǵan júıe boıynsha suraq qoıyp, jaýabyn ala alasyz», delingen habarlamada.
Búginnen bastap qalanyń árbir turǵyny óz suraǵyn mynadaı tásildermen qaldyra alady:
-Astana qalasy ákimdiktiń saıty arqyly «Ákimge ótinish» aıdaryna;
- Astana qalasy ákimdiginiń «Qalalyq monıtorıng jáne jedel áreket etý ortalyǵy» memlekettik kommýnaldyq kásipornynyń 109 nomerine qońyraý shalý jáne 109@astana.kz elektrondy poshtaǵa hat jazý arqyly nemese Facebook, Telegram;
- Smart Astana mobıldik qosymshasy arqyly.
Barlyq suraqtar Qalalyq monıtorıng jedel den qoıý ortalyǵy óńdep jaýap berý úshin tıisti memlekettik organdarǵa baǵyttalady. Aktsııa 10 aqpanǵa deıin jalǵasady.
