Astanada ákesi ulyn tóbelesýge májbúrlegen
ASTANA. QazAqparat - Elordadaǵy aýlalardyń birinde ákesi ulyna «jekpe-jek» uıymdastyrǵan, dep habarlaıdy QazAqparat tilshisi Feısbýktegi jazba avtoryna silteme jasap.
Marına Mıller esimdi qoldanýshynyń deregi boıynsha, osylaısha ákesi ulyn renjitken baladan kek alýǵa májbúrlegen. Balalardyń jasy 8-10 aralyǵynda.
«Ony ur! Toqtamaı ur! Betinen, basynan tep! Ur dedim! Basynan ur!», - dep aıǵaılady ákesi. Basqa balalar úndemeı, qarap turdy (eseńgirep qalǵan sııaqty). Keıin jınalyp turǵandardyń ishinen bir bala aıǵaılaı bastady: «Qane, Erdos, ur ony!». Adamdar terezelerinen aıǵaılap, polıtsııa shaqyrǵandaryn aıtty. Biraq, er adam ári qaraı jalǵastyra berdi: «Ur, toqtama! Betinen ur! Basynan tep!». Ekinshi bala ózin qorǵaý úshin artqa shegine bastady. Polıtseıler kelip, úsheýin de alyp ketti», - dep habarlady ol.
Astana qalalyq Іshki ister departamentinen habarlaǵandaı, osy fakti boıynsha materıaldar jınalyp jatyr. 40 jastaǵy er adamǵa qatysty protsessýaldyq sheshim qabyldanady.
