Astanada ákesi ulyn áskerge jibermeý úshin para bermek bolǵan
Merzimdi áskerı qyzmetke shaqyrylym júrip turǵan kezde shaqyrylýshylardyń biriniń ákesi armııaǵa shaqyrý merzimin zańsyz jolmen keıinge qaldyrýyn surap, Astana qalasynyń Qorǵanys isteri jónindegi departamenti bastyǵynyń orynbasaryna 150 000 teńge mólsherinde para bermek bolǵan. Áskerı qyzmetshi sol zamatta Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigine 1424 nómiri arqyly habarlasqan.
Sybaılas jemqorlyqqa qarsy is-qımyl jónindegi ulttyq bıýro qyzmetkerleriniń shuǵyl sharalary nátıjesinde shaqyrylýshynyń ákesi qolyndaǵy aqshasymen birge ustaldy.
Aıta keteıik, áskerı qyzmetshiniń Qorǵanys mınıstrliginiń sybaılas jemqorlyqqa qarsy saıasatyna sáıkes keledi. Oǵan sáıkes, jeke quramnyń barlyq sanattary arasynda kez kelgen túrdegi parany almaıtyn orta qalyptasyp keledi.
