Astanada Ákeler keńesi quryldy
ASTANA. KAZINFORM — Alǵys aıtý kúni qarsańynda Astana qalasy boıynsha elý bir bilim berý uıymynda «Danalyq jobasy» aıasynda «Ákeler keńesi» quryldy, dep habarlaıdy elorda ákimdigi.
Keńesti qurýdaǵy maqsat — otbasylyq qundylyqtardy saqtaý, ákelerdiń bala tárbıeleýdegi jaýapkershilikterin arttyrý.
Sondaı-aq tárbıe protsesin uıymdastyrýda jáne basqarýda mektepke kómek kórsetý.
Osy maqsat aıasynda qaladaǵy barlyq «Ákeler keńesi», «Qar desanty» chelendjin ótkizý qolǵa alynyp, estafeta bir-birine joldanyp keledi.
Búgingi tańda olardyń barlyǵy balalary bilim alyp jatqan mektep ǵımaratynyń qaryn kúrep, ıgilikti is-sharaǵa bir kisideı qatysyp jatyr.
