Astanada AKASHI DATA CENTER keńsesine tintý júrgizildi

ASTANA. KAZINFORM – Elordada tártip saqshylary AKASHI DATA CENTER keńsesine tintý júrgizdi. Túbi reseılik kásipker Tımýr Týrlov bul kompanııanyń benefıtsıarlarynyń biri sanalady.

— Astana qalasy PD Baıqońyr aýdandyq Polıtsııa basqarmasynyń óndirisinde bótenniń senip tapsyrǵan múlkin asa iri mólsherde ıemdenip alý faktisi boıynsha qylmystyq is qaralyp jatyr. Tergeý aıasynda tintý sharalary tergeý sotynyń sanktsııasymen júrgizildi, - delingen qalalyq Polıtsııa departamenti taratqan habarlamada. 

Keńse Abu Dhabi Plaza ǵımaratynda ornalasqan. Málimetterge saı, fırmanyń korporatıvtik jáne qarjylyq qujattamalary tekserilgen.

Polıtsııa departamenti QR QPK-niń 201-babyna sáıkes ózge aqparat jarııa etilmeıtinin málim etti.