Astanada AITV juqtyrǵandar sanynyń azaıǵany anyqtaldy
ASTANA. QazAqparat - QR Densaýlyq saqtaý mınıstrligi 2018 jyldyń 15 qarashasy men 15 jeltoqsany aralyǵynda «Óz mártebeńdi bil» úndeýimen Dúnıejúzilik JITS-ke qarsy kúres naýqanyn jarııalady. Astana qalasynyń qoǵamdyq densaýlyq saqtaý basqarmasy men JITS ortalyǵy osy naýqanǵa qosylyp, aldyn ala tekserýden ótýdiń mańyzdy ekenin eskertýde, dep habarlaıdy QazAqparat tilshisi.
«Jalpy, negiz ındıkator boıynsha biz 15-49 jas aralyǵyndaǵy kórsetkishterge qaraımyz. 2017 jyldyń 9 aıynyń ishinde AITV ınfektsııasyn juqtyrǵan 170 jaǵdaı anyqtalsa, bıylǵy 9 aıda 150 jaǵdaı tirkelip otyr. ıAǵnı, bizde bul rette tómendeý bar», - deıdi Astana qalasynyń JITS-diń aldyn alý jáne oǵan qarsy kúres ortalyǵynyń bas dárigeri Sábıt Bekmaǵambetov.
Onyń aıtýyna qaraǵanda, AITV ınfektsııasyn juqtyrý jaǵdaıynyń 79 paıyzy jynystyq qatynas arqyly taraǵan. Infektsııa juqtyrýdyń taǵy bir sebebi - gomoseksýaldyq jolmen taralýy.
«Buryn biz aýrýdyń taralýyna negizinen jynystyq qatynasty jumysyna aınaldyrǵan adamdar sebep bolady desek, qazirgi tańda bul qaýipti ınfektsııa halyqtyń saý bóliginde de tirkelip jatyr. Mine, sondyqtan, BAQ ókilderi arqyly aldyn ala tekserýden ótý kerektigin kópshilikke eskertsek deımiz», - deıdi ol.
Bir aılyq naýqan arqyly mamandar qoǵam men azamattardyń nazaryn AITV-ǵa testiden ótýdiń mańyzdylyǵy men mánine nazar aýdartpaq. Astana qalasynyń JITS-diń aldyn alý jáne oǵan qarsy kúres ortalyǵynyń mamandarynyń aıtýynsha, boıynda ınfektsııa anyqtalǵan jaǵdaıda aldyn ala emdelýdiń mańyzy zor. Zamanaýı antıretrovırýstyq preparattar ómir sapasyn uzartýǵa jáne jaqsartýǵa múmkindik beredi. Sondaı-aq, óz mártebesin bilý - AITV juqtyrǵan anadan balaǵa júktilik, bosaný jáne emizý kezinde vırýstyń berilýiniń aldyn alýǵa múmkindik beredi. Sondyqtan barlyq júkti áıelderge AITV-ǵa eki ret test tapsyrý óte mańyzdy.
