Astanada AITV-men ómir súretin adamdardyń 92 paıyzy óz mártebesin biledi
Astana qalasy AITV-ınfektsııasynyń aldyn alý ortalyǵynyń málimetinshe, kemsitýshilikti joıý keshendi túrde júrgizilýi ári aýrýdyń aldyn alý sharalary týraly halyqty aqparattandyrýǵa, AITV-men ómir súretin adamdardyń quqyqtaryn saqtaýǵa, halyqtyń negizgi toptarynyń profılaktıkalyq jáne medıtsınalyq qyzmettermen qamtylýyna qol jetkizýge jáne keńeıtýge negizdelýi tıis. Kemsitýshilik sııaqty úlken kedergini joıǵan jaǵdaıda ǵana, AITV-ınfektsııasynyń aldyn alýǵa jáne medıtsınalyq kútimniń tıimdiligine qol jetkizýge bolady.
AITV-ǵa baılanysty kemsitýshiliktiń qandaı da bir túrlerine jol bermeý týraly memlekettiń kepildikteri Qazaqstan Respýblıkasynyń Konstıtýtsııasy men «Halyq densaýlyǵy jáne densaýlyq saqtaý júıesi týraly» kodeksinde zańnamalyq deńgeıde bekitilgen. Elimizde ıÝNEIDS-tiń «95-95-95» strategııasy júzege asyrylýda. Ol AITV-ınfektsııasynyń aldyn alýdy, testileýdi, emdeýdi jáne kútimdi qamtamasyz etýge baǵyttalǵan.
Atalǵan ortalyqtyń dırektory Sabıt Abdraımovtyń aıtýynsha, testileý strategııasyn, kútim jáne emdeý baǵdarlamalaryn iske asyrýdyń arqasynda qalada AITV-men ómir súretin adamdardyń 92 paıyzy óz mártebesi týraly biledi. Olardyń 82 paıyzy antıretrovırýstyq terapııa qabyldaıdy, al 87 paıyzynda vırýstyq júkteme basylǵan.
Sonymen qatar ol AITV-men aýyratyn áıelderdiń júktilikti josparlaý, bosaný ádisteri jáne basqa da máselelerde tańdaý quqyǵy bar ekenin, AITV-men aýyratyn balalarǵa bilim berý uıymdaryna barý quqyǵy qamtamasyz etiletinin, AITV-ınfektsııasynyń aldyn alý ortalyǵynda halyqtyń negizgi toptarynyń ókilderine AITV jáne JJBI dıagnostıkasy, aldyn alý jáne emdeý boıynsha barlyq qyzmetter qoljetimdiligin atap ótti.