Astanada AITV ádeıi juqtyrǵan er adam 2,5 jylǵa sottaldy
AITV ınfektsııasynyń aldyn alý ortalyǵynyń ınfektsııany epıdemıologııalyq qadaǵalaý bóliminiń meńgerýshisi Іnjý Aımaǵambetova AITV-ınfektsııasyn ádeıi juqtyrý jaǵdaılary týraly aıtyp berdi.
«Iá, mundaı jaǵdaılar kóp emes, degenmen faktiler bar. Máselen bıyl er adam óziniń AITV-statýsyn eskertpeı, kóńil qosqan áıelge ınfektsııa juqtyrǵan. Keıinnen sot protsesinde bul onyń jalǵyz jynystyq qatynasy bolǵany anyqtaldy. Sondyqtan materıal tergeý organdaryna berildi. Qazir qylmystyq is qozǵalyp jatyr. Kúdikti Reseı azamaty, júk kóligin aıdap kelgen jáne osynda bir áıelmen tanysqan. Biz epıdemıologııalyq tergeý júrgizemiz, juqtyrý jolyn, ınfektsııanyń yqtımal kózin tabamyz, sodan keıin bul adamǵa aýrýdyń kimnen juǵýy múmkin ekenin aıtamyz. Osylaısha, qasaqana aýrý juqtyrǵan adamdy sotqa berýge bolady», - dep túsindirdi Іnjý Aımaǵambetova.
ıAǵnı, AITV ınfektsııasy tabylǵan adam aqparattandyrý týraly kelisimge qol qoıady. Ol óziniń dıagnozy týraly biletindikten, bul úshin jaýapkershilik júkteledi. Eger ol jynystyq qarym-qatynasqa tússe, tósektesine AITV týraly habarlaýǵa mindetti.
«Jızn voprekı» qoǵamdyq uıymynyń basshysy Aına Muqysheva atalǵan sot isiniń qalaı júrgenin baıandady.
«Búgin osy qyzdyń isi boıynsha sot otyrysy ótti. Oǵan aýrý juqtyrǵan er adam 2 jyl 6 aıǵa bas bostandyǵynan aıyryldy. Negizi oǵan 5 jyl bas bostandyǵynan aıyrý jazasy berildi, biraq ol buryn isti bolmaǵandyqtan, bul merzim qysqartyldy», - dedi A. Muqysheva.
Aıta keteıik, jyl saıyn 1 jeltoqsanda álemdik qaýymdastyq, onyń ishinde Dúnıejúzilik densaýlyq saqtaý uıymy, Birikken Ulttar Uıymy, qoǵamdyq birlestikter men úkimetter AITV/JITS qarsy kúres kúnin ótkizedi.
AITV-ınfektsııasynyń aldyn alý ortalyǵynyń dırektory Sábıt Ábdiraıymov vırýs juqtyrǵandardyń ortasha jasy 20-30 jas ekenin aıtty. Bul jalpy naýqastar sanynyń kem degende 54%-yn quraıdy.
Sondaı-aq, Astanada AITV juqtyrǵan 200 áıel deni saý balalardy dúnıege ákelgen.