Astanada «AIALA» ekofestıvali bastaldy
ASTANA. KAZINFORM – Halyqaralyq balalardy qorǵaý kúninde elordadaǵy Beıbitshilik jáne kelisim saraıynda Qazaqstan Respýblıkasynyń Mádenıet jáne aqparat mınıstrligi jáne «Azamattyq bastamalardy qoldaý ortalyǵy» KEAQ-tyń uıymdastyrýymen «AIALA» art-ekofestıvaliniń saltanatty ashylý rásimi ótti.
Balalar men jastardyń arasynda ekologııa taqyrybyndaǵy shyǵarmashylyq bastamalardy qoldaýdy maqsat etken dástúrli festıvalde 8, 9, 10 synyp oqýshylary arasyndaǵy respýblıkalyq baıqaý jeńimpazdary marapattaldy. Uıymdastyrýshylar baıqaýǵa barlyq óńirden 250-den astam ótinish túskenin aıtady.
6 baǵyt boıynsha aqtyq saıysqa shaqyrylǵan 36 úmitkerdiń ishinen úzdik shyqqan 6 jeńimpazǵa «Halyq» qaıyrymdylyq qorynyń atynan 1 mln teńgeden syıaqy berildi.
«AIALA» art-ekofestıvali 3 kún boıy ótedi. Іs-shara aıasynda balalarǵa keskindeme, makýlatýranyń kómegimen óner nysandaryn qurý, qarjylyq saýattylyq jáne kıiz basý syndy baǵyttarda sheberlik saǵattary ótkiziledi.
Ekologııalyq festıvaldi Mádenıet jáne aqparat mınıstrliginiń jáne Azamattyq bastamalardy qoldaý ortalyǵynyń uıymdastyrǵanyn aıta ketý kerek.
