Astanada Aı-92 benzıni 39, dızel otyny 39 kúnge jetedi
ASTANA. KAZINFORM – Elordany janarmaımen qamtamasyz etý jaǵdaıy turaqty. Bul týraly Astana turǵyndarymen esep berý kezdesýinde Energetıka vıtse-mınıstri Baqytjan Іlııas atqarylǵan jumystardyń negizgi nátıjeleri men basymdyqtary týraly aıtty.
Energetıka vıtse-mınıstri Baqytjan Іlııas elorda turǵyndarymen eseptik kezdesý ótkizip, energetıka, gazdandyrý jáne janar-jaǵarmaımen qamtamasyz etý salalaryndaǵy negizgi nátıjeler men basymdyqtardy tanystyrdy.
Óz sózinde Vıtse-mınıstr mınıstrliktiń basty kúsh-jigeri munaı-gaz jáne energetıka keshenin damytýǵa, turaqty jylý jáne elektrmen jabdyqtaýdy qamtamasyz etýge, sondaı-aq gazdandyrý men halyqty munaı ónimderi jáne suıytylǵan munaı gazymen qamtamasyz etý jobalaryn iske asyrýǵa baǵyttalǵanyn atap ótti.
— Qalada janar-jaǵarmaı qory jetkilikti. Aı-92 benzıni — 39 kúnge, dızel otyny — 39 kúnge jetedi, — delingen mınıstrlik habarlamasynda.
Mınıstrlik ákimdik pen monopolııaǵa qarsy organdarmen birlese otyryp, baǵa men logıstıka boıynsha turaqty monıtorıng júrgizedi. Іshki naryqty turaqtandyrý maqsatynda keıbir munaı ónimderin syrtqa shyǵarýǵa tyıym salynǵan.
Astanada suıytylǵan gazdyń bólshek saýdadaǵy baǵasy — lıtrine 102 teńge. Qalada 6 gaz toltyrý stantsııasy jáne 73 avtomobılge arnalǵan gaz quıý beketi jumys isteıdi.
Aıta ketelik Qazaqstanda benzın men dızelge aktsızdiń jańa mólsherlemesi bekitildi.