Astanada Ahmetovter áýleti «Mereıli otbasy» baıqaýynda úzdik dep tanyldy
ASTANA. QazAqparat - Qazaq halqy yqylym zamannan beri otbasy qundylyǵyn joǵary qoıǵan. «Áıel - úıdegi yrysyń, ul - aıbarly qylyshyń, qyz - túzdegi órisiń, kelin - keńeıgen tynysyń», - dep aıtyp otyrǵan.
Elimizde Memleket basshysy bastamasynan qýat alǵan «Mereıli otbasy» ulttyq baıqaýy bıyl ekinshi ret ótti. Qazir ár óńirde ulttyq qundylyqty saqtap, salt-dástúrdi dáriptep, sanaly urpaq tárbıeleýde zor úles qosyp júrgen otbasylar marapattalýda. Astanada ótinim bergen 44 otbasynyń ishinde Ahmetovter áýleti úzdik dep tanyldy, dep habarlaıdy astana.kz.
«Otbasy myqty bolsa, memleket myqty bolady. Birinshi oryn alǵanymyzǵa óte qýanyshtymyz,-deıdi «Mereıli otbasy» ulttyq baıqaýynyń jeńimpazy Kendaı Ahmetov.
Ata-ana - otbasy dińgegi dep biletin Kendaı aǵa men Kúlán apaı óz mindetterin múltiksiz oryndap, bir-birine degen qurmeti arqyly ul-qyzdaryna úlgi bolyp keledi. Dastarhan basyna jınalyp, ashyq áńgime quryp, qal surasý Ahmetovterdiń aınymas qaǵıdasyna aınalǵan.
Ahmetovterdiń temirjolshylar dınastııasy 1260 jyldan beri jalǵasyp keledi. Kendaı aǵa men Kúlán apaıdyń otasqanyna 40 jyl bolǵan. Úsh qyz bir ul tárbıelep, olardan 6 nemere súıip otyr.
Endi astanalyq jeńimpaz otbasy kúzde ótetin respýblıkalyq saıysta baq synaıdy.
