Astanada «Ahmet ıAsaýı. Qazaq shamany, sopy jáne aqyn» kitabynyń avtory ıtalııandyq ǵalym E. Vızıntaınermen kezdesý boldy
Astana. 25 qańtar. QazAqparat /Aınur Kenebaeva/ - Búgin Astanadaǵy L.N. Gýmılev atyndaǵy Eýrazııa ulttyq ýnıversıtetinde ıtalııandyq ǵalym, professor, «Vox populi» ǵylymı-zertteý ortalyǵynyń prezıdenti, «Ahmet ıAsaýı. Qazaq shamany, sopy jáne aqyn»» kitabynyń avtory Ermanno Vızıntaınermen kezdesý bolyp ótti.
Ermanno Vızıntaıner ýnıversıtet ujymy men stýdentteriniń aldynda Qoja Ahmet ıAsaýıdyń shyǵarmashylyq murasy jóninde dáris oqydy. Ǵalym óziniń ǵylymı-zertteý jumysy aıasynda atalmysh oqý ornynyń oqytýshy-professorlary quramymen áriptestik baılanysyn jan-jaqty damytýdy qalaıtynyn jetkizdi.
Ultaralyq kelisim máselelerin zertteýmen aınalysatyn E. Vızıntaıner: «Qazaqstannyń burynǵy keńestik keńistiktegi memleketterdiń ishinen birinshi bolyp EQYU tóraǵalyǵyna qol jetkizýi kóp ultty el úshin úlken saıası jetistik», - dep aıryqsha atap kórsetti. Sondaı-aq ol halqynyń basym bóligi musylmandar bola turyp, EQYU syndy halyqaralyq uıymǵa tóraǵalyq etý múmindigin ıelengen birinshi memleket retinde Qazaqstandy erekshe baǵalady.
Kezdesý barysynda stýdentter men ustazdar qaýymy uly dala oıshyly Qoja Ahmet ıAsaýıdyń ónegeli ómiri men fálsafalyq eńbekteriniń álemdik keńistiktegi qundylyǵy men mańyzdylyǵy jaıly aýqymdy málimet alyp, rýhanı-tárbıelik máni zor ıgi sharanyń kýási boldy.
Ermanno Vızıntaıner qazaq halqyna tanystyrǵaly kelgen kitabyna silteme jasaı otyryp, oılaryn 3 mańyzdy ólsheýish negizinde órbitkendigin jetkizdi. Atap aıtqanda, avtor tarıhı, ańyzdyq, ádebı ólsheýishterdi aıqyndaı otyra zertteýler júrgizip, ıAssaýı tulǵasymen tyǵyz baılanysta bolatyn ańyzdyq ólsheýishke basa nazar aýdarǵan.
«Ahmet ıAsaýıdyń arqasynda sopylyq baǵyt qomaqty fálsafalyq júıe retinde túrki halyqtarynyń tynys-tirshiliginde, rýhanı dúnıetanymynda aıryqsha mańyzǵa ıe bolyp, Shyǵys jáne Islam dini fálsafasynyń tunyǵynan sýsyndaýyna septigin tıgizdi»-dedi E. Vızıntaıner.
Italııandyq ǵalym eńbeginde ıAssaýıdyń eńbekterin jan-jaqty zertteı otyryp, Islam dininiń búgingi aqýalyn kórsetedi.
QR-daǵy Italııa Elshiliginiń qoldaýymen 2010 jyly jaryqqa shyqqan bul kitap Islam dinine degen burmalanǵan kózqarasty aıtarlyqtaı ózgertip, jańa da ádiletti betburysqa negiz bolyp, Islam keńistiginiń keńeıýine sara jol salý maqsatyn kózdeıdi.
