Astanada aǵashtardyń túbine temir tor ornatyla bastady
ASTANA. QazAqparat - Astanada aǵashtardyń túbine temir torlar ornatyla bastady. Bul jaıly Astana qalasynyń ákimi Áset Isekeshev Feısbýktegi paraqshasynda habarlady.
«Álemniń kóptegen qalalaryn aralaı júrip, aǵash túbine ornatylǵan temir torlardy baıqaǵan bolarsyzdar. Bular qala kóshelerin, skverlerdi, alańdardy jáne saıabaqtardy kórkeıtýge paıdalanylady. Temir torlar ósimdikterdi qorǵaý úshin ǵana emes, jaıaý júrginshiler jolynyń jaılylyǵy úshin de qajet. Joldyń trotýar plıtkalary nemese asfalt tóselingen jerlerinde qurysh torlardyń tóselýi aǵash jáne butaq tamyrlarynyń yńǵaıly sýǵarylýyn qamtamasyz etip, bir jaǵynan jaıaý júrginshiler jolyn keńeıtedi», - dedi qala ákimi.
