Astanada Aeroutqyr áskerleri desenttyq-shabýyldaý brıgadasynda áskerı qyzmetshi qyz-kelinshekter arasynda ekspress-jarys ótti (FOTO)
ASTANA. QazAqparat - Astanada 8-naýryz halyqaralyq áıelder kúni qarsańynda Aeroutqyr áskerleri desenttyq-shabýyldaý brıgadasy basshylyǵynyń bastamasymen úzdik atqysh jáne kedergiler jolaǵyn baǵyndyrýdaǵy eń epti ári kúshti ataǵyn jeńip alý úshin áskerı qyzmetshi qyz-kelinshekter arasynda ekspress-jarys ótti, dep habarlady QR Qorǵanys mınıstrliginiń Baspasóz qyzmetinen.
Jarysqa Aqmola garnızonynyń túrli bólimderinde qyzmet atqaryp júrgen qyz-kelinshekter qatysty. Olardyń ishinde barlyq ásker túrleri men tekteriniń, olardyń ishinde Qurlyq áskerleri, Áskerı-teńiz kúshteri, Áýe qorǵanysy kúshteriniń ókilderi bar. Erekshe ásker tegi bolyp sanalatyn Aeroutqyr áskerleriniń atynan elordalyq brıgadanyń desantshy qyzdary synǵa tústi. Jarystyń birinshi kezeńinde Makarov tapanshasynan (PM) atý kózdeldi. Bul rette qyzdardan 25 metr qashyqtyqta ornalasqan nysanany úsh ret barynsha dál nysanaǵa alý talap etildi. Mundaı talaptar tapanshadan oq atýdan synaq tapsyratyn ofıtserler aldyna da qoıylady. Ekspress-saıysqa qatysýshylardyń jartysynan kóbi kelisimshart boıynsha áskerı qyzmetshiler bolǵanyna qaramastan, qyzdar atysty jaqsy kórsetkishtermen ótkizdi. Úzdik nátıjelerdi desanttyq-shabýyldaý brıgadasynyń ókilderi kapıtan Gúlnar Aralova men efreıtor Maqpal Hafızova kórsetti. Jarystyń eń qıyn kezeńi «Atletızm. Batyldyq. Ótkirlik»kedergiler jolaǵyn (ABÓ) baǵyndyrý boldy. Bul ıdeıany jasap engizgen Qurlyq áskerleriniń basqolbasshysy bolatyn. ABÓ jolaǵyn baǵyndyrý barysynda birneshe ret aldaǵy 25 kılogramdyq jáshikterdi kóterý, «jaraly» jaýyngerdi tasymaldaý, tereń ordan ótý, tikenekti sym astynan jer baýyrlap eńbektep ótý jáne basqa da kúrdeli elementterdi oryndaý qajet edi. Jarysqa qatysýshylardyń birneshe tapsyrmalaryn jeńildetti, aýyr zattardy kóterýdi qysqartý arqyly er azamattar qyzmettes áriptesterin qorǵaýǵa tyrysty. ABÓ kedergi jolaǵyn baǵyndyrýda qyzdardyń bireýi de qashyqtyqtan bas tartyp, jarystan shyǵyp qalǵan joq. Márege barlyǵy shamamen bir ýaqytta keldi, sondyqtan barlyq jarysqa qatysýshylardyń kórsetkishterine 100 upaıdan qosyldy. Ekspress-jarysty qorytyndylaı kele desanttyq-shabýyldaý brıgadasy komandıriniń tárbıe jumystary jónindegi orynbasary podpolkovnık Radjan Janysov barlyq qyzdardyń synaqtardan abyroımen ótip, óz áskerleriniń namysyn laıyqty qorǵaı alǵanyn jáne ózderin er azamattarmen teń dárejede qyzmet atqaratyn Otan qorǵaýshy dep ataýǵa tolyq quqyly ekenin atap ótti.
