Astanada ádilet departamenti basshysynyń orynbasary para alǵany úshin ustaldy
ASTANA. QazAqparat - Sybaılas jemqorlyqqa qarsy qyzmet departamentiniń qyzmetkerleri azamat D-nyń keńse qyzmetine ornalasýy úshin odan attestattaý komıssııasynyń oń nátıjesine 5000 AQSh dollary kóleminde para alǵany úshin ádilet departamenti basshysynyń orynbasary A.K. Raqyshevty ustady.
«A.K. Raqyshev QR QPK 128-baby boıynsha ustalyp, Astana qalasy ІІD ýaqytsha ustaý oqshaýlaǵyshyna qamaldy. Onyń áreketi QK 366-baby (para alý) boıynsha jikteldi. Qamaýǵa alý túrinde bultartpaý sharasy qoldanyldy, bul sanktsııany Astana qalasynyń prokýratýrasy qoldady. Astana qalasy №2 Almaty aýdandyq sotynyń sanktsııasyna sáıkes, A.K. Raqyshevqa qatysty 2016 jylǵy 26 maýsymǵa deıin eki aı merzimge bultartpaý sharasy qoldanylady», - dep habarlady prokýratýranyń baspasóz qyzmetinde.
