Astanada ádebı-mýzykalyq festıval ótti
ASTANA. QazAqparat - Astanada "Álem balalar tilimen" atty ІІ balalar ádebı-mýzykalyq shyǵarmashylyǵynyń festıvali ótti, dep hvabarlady astana.gov.kz.
Qazaqstan halqy Assambleıasy jyly aıasynda ótken is-sharanyń uıymdastyrýshylary - Qazaqstan halqy Assambleıasy men «Lad» respýblıkalyq slavıan qozǵalysynyń astanalyq bólimshesi.
Uıymdastyrýshylardyń aıtýynsha, festıvaldiń basty maqsaty - daryndy jastardy taýyp, olardyń shyǵarmashylyq ósýine, túrli halyqtardyń mádenı dástúrlerin saqtaýǵa yqpal etedi. Festıvalge ártúrli jastaǵy balalar men jasóspirimder, shyǵarmashylyq toptar, sonymen qatar sándik-qoldanbaly óner stýdııalary, halyqaralyq dostyq klýbtary qatysty.
Jas ónerpazdardy teatrtanýshylar, horeograftar, ónertanýshylar syndy bilikti qazylar alqasy baǵalady. Baıqaý «Vokaldy jáne hor», «Bı», «Aspaptyq janr», «Beıneleý óneri» jáne ózge de atalym boıynsha ótkizildi.
Baıqaýǵa elordalyq etnomádenı birlestikterdiń: «Lad» RSQ, «Vaınah» sheshen-ıngýshtyq etno-mádenı ortalyǵy, «Tań» tatar-bashqurt etno-mádenı ortalyǵy, «Vozrojdenıe» nemister odaǵy jáne «Vatra» ýkraındyq mádenı ortalyqtyń shyǵarmashylyq ujymdary qatysty.
Festıvaldiń barlyq qatysýshylaryna dıplom men baǵaly syılyqtar berildi.
