Astanada adasyp ketken balalar ata-anasyna qaıtaryldy - ІІD
ASTANA. QazAqparat - Astanada adasqan balalardyń ata-anasy anyqtaldy. Bul týraly «QazAqparat» tilshisine Astana ІІD baspasóz hatshysy Sofıa Qylyshbekova habarlady.
«Stýdenttik parkte ýchaskelik ınspektor kishkentaı úsh balanyń júrgenin baıqap qalǵan. Eki qyz bala tórt jasta, al ul bala bes jasta eken. Ol jerde balalar ata-anasynyń qaraýynsyz boldy»,-dep naqtylady S. Qylyshbekova.
Anyqtalǵandaı, balalar ózderiniń úıleriniń aýlasynda oınap júrgen, keıinnen ata-anasynyń ruqsatynsyz óz erikterimen saıabaqqa ketip qalǵan eken.
«Balalar keshe 20:30 kezinde tabyldy. Polıtsııaǵa sol tóńirekte júrgen adamdar keshqurym ýaqytta saıabaqta balalar ata-anasynyń qaraýynsyz oınap júrgenin habarlady. Osy aqparattan keıin saıabaqqa bizdiń ýchaskelik qyzmetker baryp, balalardy polıtsııa bólimshesine jetkizdi. Sodan keıin balalar ata-analaryna tapsyrylyp, olarmen tıisti túsindirý sharalary júrgizildi»,-dedi S. Qylyshbekova.
Aıta keteıik, áleýmettik jelide adasyp ketken balalardyń fotosýreti taratylyp, olardyń ata-anasy izdestirilip jatqany habarlanǵan edi.
