Astanada «Adam resýrstaryn basqarý: ótkendi qorytyndylaý jáne bolashaqqa jospar» atty konferentsııa ótedi
ASTANA. Aqpannyń 17-si. QazAqparat /Ernur Aqanbaı/ - Erteń Astanada «Adam resýrstaryn basqarý: ótkendi qorytyndylaý jáne bolashaqqa jospar» atty besinshi halyqaralyq konferentsııa bastalady,
dep habarlaıdy QazAqparat.
Sharany «Samuryq-Qazyna» korporatıvtik ýnıversıteti men «QazMunaıGaz» kompanııasy uıymdastyryp otyr. Konferentsııaǵa «Samuryq-Qazyna» qorynyń, «QazMunaıgaz» kompanııasynyń basshylary, ulttyq jáne qazaqstandyq kompanııalardyń kadr salasyndaǵy jetekshileri, personal jáne adam resýrstaryn basqarý salasyndaǵy halyqaralyq sarapshylar qatysatyn bolady. Shara aıasynda «Samuryq-Qazyna» qorynyń Basqarma tóraǵasy Qaırat Kelimbetovtiń jáne Reseıdegi basqarýshy kadrlardy daıyndaý jónindegi prezıdenttik baǵdarlamanyń sarapshysy Vladıslav Raskovalovtyń qatysýymen baspasóz máslıhaty bolady dep kútilýde.
Konferentsııanyń qatysýshylary adam resýrstaryn basqarýdyń sońǵy 10 jyldaǵy damý tájirıbesin, memlekettik jáne jeke, óndiristik, qarjy kompanııalaryndaǵy kadr saıasaty máselelerin talqylaıdy. Ári adam resýrstaryn basqarý qyzmetiniń jetekshileri adam resýrstaryn basqarýdaǵy jańa quraldary, eńbek ónimdiligin arttyrýdaǵy, basqarýdaǵy tıimdi nárseler týraly taldap, pikir almasady. Forým qonaqtary- álemdik dárejedegi adam resýrstaryn basqarý jónindegi mamandar osy salada qalyptasqan úrdisterge taldaý jasaıdy.
