Astanada adam ómirine qastandyq jasaǵan Ázerbaıjan azamattary ustaldy
ASTANA. QazAqparat - Aǵymdaǵy jyldyń 24 maýsymynda Astana qalalyq ishki ister departamenti men Qostanaı oblystyq ІІD qyzmetkerleriniń birlesken jedel-izdeý sharalaryn ótkizýi barysynda Astanada aýyr qylmys jasaýda kúdikti tanylǵandar ustaldy.
Ol Ázerbaıjan Respýblıkasynyń azamattary, 26 jáne 28 jastaǵy aǵaıyndy G. bolyp shyqty, dep habarlaıdy elordalyq ІІD-niń baspasóz qyzmetinen.
Aǵymdaǵy jyldyń 21 maýsymynda túngi ýaqytta «Almaty» aýdanynyń ІІB-niń kezekshilik bólimine aýrýhanaǵa Ázerbaıjan Respýblıkasynyń týmasy bolyp tabylatyn 40 jastaǵy er adamnyń oq jaraqatymen túskeni týraly habarlama keldi.
18 maýsymda jábirlenýshi A. esimdi azamat pen ustalǵandardyń arasynda janjal bolǵany anyqtaldy. 21 maýsym kúni saǵat 22:00 shamasynda kúdikti G. jábirlenýshini úıiniń qasynda kútip alyp, ony eki ret atyp, qylmys ornynan qashyp ketken.
«QR QK-niń eki baby - «buzaqylyq» jáne «adam ómirine qastandyq jasaý» boıynsha sot aldyndaǵy óndiris bastaldy. Tergeý amaldary júrgizilip jatyr. Ustalǵan azamattar moıyndaý túsinikterin berip otyr. Aıǵaq dálelder - travmatıkalyq tapansha alyndy. Qajetti saraptamalar taǵaıyndalǵan. Ustalǵandar Astana ІІD aýqytsha ustaý abaqtysyna qamaýǵa alyndy.
