Astanada adam ólimine ákelgen jol apaty: avtobýs júrgizýshisi jazalandy
ASTANA. KAZINFORM — Astanada uıaly telefonmen sóılesip otyryp, 57 jastaǵy áıeldi qaǵyp óltirgen avtobýs júrgizýshisi 2 jyl 1 aıǵa bas bostandyǵynan aıyryldy. Sondaı-aq ol bes jyl boıy kólik basqarý quqyǵynan aıyryldy. Sot úkimi zańdy kúshine endi. Bul týraly Astana qalasynyń prokýratýrasy málim etti.
— Avtobýs júrgizýshisi kólik quralyn basqaryp kele jatyp, uıaly telefon arqyly sóılesken kezde rettelmeıtin jaıaý júrginshiler ótkelinde 57 jastaǵy áıeldi qaǵyp ketken. Jábirlenýshi alǵan aýyr dene jaraqattarynyń saldarynan aýrýhanada qaıtys boldy, Astanada adam ólimine ákelgen jol apaty: avtobýs júrgizýshisi jazalandy delingen habarlamada.
Sotta memlekettik aıyptaýshy sottalýshynyń kinásin tolyq dáleldedi. Sot úkimimen oǵan 2 jyl 1 aı merzimge bas bostandyǵynan aıyrý jazasy taǵaıyndalyp, 5 jyl merzimge kólik quralyn basqarý quqyǵynan aıyryldy. Sot úkimi zańdy kúshine endi.
Elorda prokýratýrasy júrgizýshiler men jaıaý júrginshilerdi jol júrisi qaǵıdalaryn saqtaýǵa shaqyrady, sondaı-aq kólik quralyn basqarý kezinde uıaly telefon paıdalanýǵa qatań tyıym salynǵanyn eske salady.
Buǵan deıin Almatyda avtobýs júk kóligimen soqtyǵysyp, tórt adam zardap shekken edi.
