Astanada adam kóp tirkelgen «rezeńke» páterler máselesi sheshiledi
«Nur Otan» partııasynyń HVIII sezinde Elbasy jarııalaǵan tapsyrmalar men bastamalar Astanamyzdyń áleýmettik-saıası damýyna serpin berip, mańyzdy jobalardy iske asyrýǵa jańa qarqyndy múmkindik jasaıdy. Osy kúnge deıin biz kómekke zárý 3 myńnan astam azamatty qabyldadyq. Kóterilgen máselelerdi júıelep, elordamyzdyń áleýmettik kartasyn jasaqtadyq», - deıdi elorda ákimi Baqyt Sultanov.
Onyń aıtýynsha, ústimizdegi jyly áleýmettik salaǵa 150 mlrd teńge bólindi. Bul bıýdjet kóleminiń 35% quraıdy. Odan bólek, jergilikti bıýdjet esebinen muqtaj azamattardy qoldaý úshin qosymsha 3 mlrd teńgeden astam qarajat bólý kózdelip otyr.
«Taǵy bir mańyzdy másele - adam kóp tirkelgen páterler nemese oryssha aıtqanda «rezeńke» úı problemasy. Biz memlekettik turǵyn úı qorynyń páterlerinde bir adamǵa shaqqanda 15 sharshy metrden eseptep, azamattardyń turǵylyqty jeri boıynsha tirkelýin shekteýdi kózdeıtin, kóshi-qon protsesterin retteıtin jańa joba ázirledik. Bul shekteýler máslıhat sessııasyna osy jyldyń 6 naýryzynda engiziledi», - dedi ol.
Qala basshysynyń málimetinshe, osy jyly Turǵyn úı qurylys jınaq júıesi arqyly kredıttik turǵyn úı salý baǵyty boıynsha 900 páterdi paıdalanýǵa berý jospary tur. Sonymen qatar, qala bıýdjetinen 2 myń turǵyn úı sertıfıkatyn berý úshin 2 mlrd teńge qarastyryldy. Jáne de «Nurly jer» baǵdarlamasy aıasynda 731 páter jalǵa beriledi.
