Astanada adam qaqqan kólik júrgizýshisi tabyldy
ASTANA. QazAqparat - Polıtsııa jol jıeginde qar kúrep jatqan adamdy qaǵyp ketken kólik júrgizýshisin anyqtady. Bul jaıynda Astana qalalyq ІІD baspasóz qyzmetinen málim etti, dep habarlaıdy QazAqparat.
«Іzdeý sharalary barysynda 1970 jyly dúnıege kelgen júrgizýshi anyqtalyp, Astana qalalyq ІІD jergilikti polıtsııa qyzmetine jetkizildi. Júrgizýshiden kólik qujattary alyndy. Avtomobıl protsessýaldy sheshim qabylbaý úshin arnaıy esepke tirkeldi», - dedi Astana qalalyq ІІD baspasóz qyzmetiniń jetekshisi Sofıa Qylyshbekova.
ІІD aqparatyna sáıkes, qazirgi ýaqytta zardap shekken azamat izdestirilýde. Áli kúnge deıin ol polıtsııaǵa shaǵymdanbaǵan.
«Zardap shegýshi júrgizýshige qatysty polıtsııaǵa myna nómirler arqyly habarlasýy qajet: 87017777189, 8 702 999 91 04", - dedi ishki ister departamentinen.
Buǵan deıin Astanadaǵy tar kóshelerdiń birinde qar kúrep júrgen jigitti joǵary jyldamdyqpen júıtkigen kólik qaǵyp ketkenin habarlaǵan bolatynbyz.
