Astanada adam búıregin zańsyz alý deregi boıynsha qylmystyq is tergelmek
ASTANA. QazAqparat - Astanalyq polıtseıler alǵash ret Qazaqstanda adamnyń dene múshelerin zańsyz alý jáne satý faktisi boıynsha tergeý júrgizip jatyr. Almaty oblysynyń 40 jastaǵy turǵyny elorda turǵyny úshin óz búıregin kesip alǵyzǵan.
Astana qalalyq ІІD baspasóz qyzmetinen habarlaǵandaı, Almaty oblysynyń turǵyny 40 jastaǵy er adamnyń aryzyna sáıkes adamnyń dene múshesin zańsyz satý-satyp alý kelisimi boıynsha astanalyq áıelge qatysty sot aldyndaǵy tergeý jumystary júrgizilip jatyr.
Atalǵan fakti QR QK 116 baby (tiri adamnyń aǵzasyna qatysty zańsyz kelisim jasaý) boıynsha Sot aldyndaǵy tergeýdiń birińǵaı tizimine tirkeldi. Tergeletin qylmystyq is aıasynda komıssııalyq saraptama men sot-medıtsınalyq zertteýler taǵaıyndaldy.
Qazaqstanda atalǵan bap boıynsha tergeý jumystary alǵash ret júrgizilip jatyr. Buryn mundaı qylmystyq is qozǵalmaǵan.
